სპორტული კარიერის განმავლობაში ნაშოვნი დიდი ფული არ ნიშნავს, რომ კარიერის დასრულების შემდეგაც აუცილებლად მილიონერი იქნებით. ერთმა ქართველმა პოლიტიკოსმა თქვა, დიდი ფულის დახარჯვას დიდი ჭკუა არ სჭირდებაო, მაგრამ არც ასეა საქმე. მაგალითისთვის მაიკ ტაისონიც გამოდგება. მსოფლიოს ექს-ჩემპიონმა მოკრივემ თავის დროზე ათეულობით მილიონი იშოვა, მაგრამ, იმის გამო, რომ მისი ინტელექტი მესამეკლასელი ბავშვის ინტელექტს არ აღემატებოდა, ერთ დღეს აღმოაჩინა, რომ ვალებში იხრჩობოდა, მისი ბუღალტრები სადღაც გამქრალიყვნენ, ხოლო 150-მილიონიანი ქონებიდან არაფერი დარჩენილიყო. ამის მიუხედავად, სპორტსმენთა ინტელექტი არ არის ძირითადი მიზეზი იმისა, რის გამოც ისინი ოფლით ნაშოვნ მილიონებს კარგავენ.